Oselvarklubben
Med ei utviklingssoge på fleire tusen år er Oselvaren den mest kjende tradisjonsbåttypen på Vestlandet; lett, rask og mjuk i sjøen. Denne båttypen var allemannseige for folk i tidlegare tider. Sidan 1870-talet har Oselvaren vore brukt til kappsegling og kapproing.
Oselvarklubben er nasjonal klasseklubb for dei regattarigga Oselvarbåtane og seglarane deira. Føremålet til Oselvarklubben er:
- å fremja seglarinteressa og arbeida for auka utbreiing av Oselvaren som seglbåt.
- å ta vare på Oselvarseglarane sine felles interesser utad.
- å forvalta felles klassereglar for Oselvarbåtane. Klassereglane vert godkjende og administrerte av Noregs Seglforbund.
- å tildela båtane registreringsnummer og føra register over båtane.